O incendio de Frontón, no concello de Pantón, comezaba ás 22:39 deste domingo e segundo a información de Medio Rural, segue activo despois de queimar 20 hectáreas.

Participan nas tarefas de extinción 2 técnicos, 7 axentes, 16 brigadas, 11 motobombras e 2 pas.

Segue estabilizado o incendio que comezaba en Torbeo o sábado pola tarde. Os datos provisionais son de 40 hectáreas ardidas neste lume do concello de Ribas de Sil. Neste incendio levan participado 29 axentes, 54 brigadas, 28 motobombas, 2 pas, 2 avións e 11 helicópteros.