Mulleres en situación de desemprego ou que teñan solicitada a mellora de emprego e vivan en Sarria teñen unha oportunidade para avanzar nas súas competencias dixitais de cara ao día a día ou á súa dedicación profesional.
Todas as participantes no curso terán acceso a formación gratuíta e ademais recibirán un computador portátil Chromebook de agasallo. Os requisitos fundamentais son ser muller e estar desempregada ou rexistrada como demandante de mellora de emprego.
A formación está organizado por Beproject e ARA Formación, en colaboración co Concello de Sarria, realizarase en horario de 12:00 a 14:30 h., comeza o día 12 de setembro e remata o 1 de decembro deste 2022.
O lugar de realización da mesma será a Aula CeMIT da Casa da Cultura na Rúa Marqués de Ugena s/n 27600.
A web para inscribirse www.galegasdixitais.es, e para máis información chamar ao teléfono móbil 698197518 ou contactar a través do correo electrónico: lugo@galegasdixitais.es
Galegas Dixitais é un proxecto financiado pola Xunta de Galicia a través dos fondos Next Generation da UE e do Plan de Recuperación, Transformación e Resiliencia da Unión Europea.
