O escritor Xabier Quiroga Díaz pregoa a I Festa da Vendima do Saviñao

A 1ª Edición da Festa da Vendima chega ao Saviñao os días 17 e 18 de setembro.

Xabier Quiroga / wikipedia

A cita contará cun amplo programa de actividades que xiran en torno ás labores típicas da vendima, o viño e a gastronomía. A súa celebración terá lugar no entorno natural da Devesa, no corazón de Escairón. O evento está dirixido a todas as idades, pois tamén será posible presenciar actividades de artesanía e oficios centenarios como o de cesteiro.

O encargado do pregón será o escritor e profesor, Xabier Quiroga Díaz, natural de Escairón e referente da literatura lucense cunha ampla obra que consta de nove libros. Licendiado en filoloxía galega e profesor de instituto en Lalín, é un referente da literatura lucense. Na maioría das súas obras fai referencia claras ao Saviñao.

A súa primeira creación foi Atuado na Braña, finalista do Premio Xerais 2001, seguido de Era por Setembro, Se buscaba un deus e O Cabo do mundo, libros que fan alusión á guerra civil e ao franquismo. Este último foi Premio da Crítica de narrativa gallega, ao igual que Zapatilla rotas, o seu seguinte libro. Nos últimos anos publicou Izan o da saca, La casa del nazi, O cabo do mundo e O baile dos estorniños

Faceta futbolística

Ademais da literatura, ten un pasado vinculado ao mundo do fútbol. Foi xogador do Atlético Escairón, o Calasancio, o Lemos, o Flavia e o Sporting de Xixón onde mantén boas lembranzas tanto dos clubes como dos xogadores e membros dos equipos.

Sen embargo, foi de adestrador do Atlético Escairón cando máis éxito tivo. En tres tempadas conseguiu establecer unha metodoloxía nos adestramentos a un equipo que contaba con xogadores intelixentes e con moita dedicación, e que ao final obtivo bos resultados como o ascenso a división Preferente. Ao final, máis que ter éxito no club, Quiroga destacou por dar unha identidade futbolística tanto ao Atlético Escairón como ao propio municipio.

DEIXAR UN COMENTARIO

Please enter your comment!
Please enter your name here