O Centro Social para a Terceira Idade no concello de Quiroga volveu as súas actividades do outono retomando as manualidades e a ximnasia de mantemento e festexando o Día do Maior.

A actividade que  máis novidades presenta é a de manualidades que nesta ocasión deixa de ser gratuíta e os socios que queiran participar deberán aportar unha pequena cota. Nesta nova etapa de manualidades, impartida por Mayte Pérez Grao todos os luns, continuarase traballando a técnica do decoupage, que consiste en decorar superficies neste caso de madeira (caixas, bandexas, xoieiros,…).

A ximnasia de mantemento, unha das actividades máis concorrida, continúa na mesmo liña de anos anteriores pero cambia de día, a partir de agora desenvolverase os mércores e os venres mantendo o seu horario de 5 A 6.

Como remate de cada mes, o último venres, o centro organiza un bingo para o entretemento dos seus socios. Ademais neste último trimestre do ano está marcado que o centro celebre un magosto para os seus socios e socias o día 19 de novembro e a concorrida cea de Nadal o 17 de decembro.