HomesociedadeA Ribeira Sacra conta con 550 prazas máis de aloxamento que o...

A Ribeira Sacra conta con 550 prazas máis de aloxamento que o pasado ano

A ocupación media mantense en niveis de anos anteriores, a pesares de contar cun aumento significativo no número de aloxamentos. No 2022 o número de establecementos aumentou un 26,78 %.

Publicado o

POR
Redacción
- Advertisement -

Segundo os datos provisionais do Consorcio de Turismo da Ribeira Sacra, durante o mes de setembro a ocupación nos Hoteis de 3 e 4 estrelas foi do 90,8% e en Turismo Rural do 60,6%. Nos dous casos a ocupación superou as previsións. En Vivendas Turísticas e de Uso Turístico a ocupación foi do 41,3% e noutros aloxamentos do 86,1%.

Así a ocupación nas fins de semana de setembro foi do 83% e a nivel xeral do 70%. De media, os hoteis de 3 e 4 estrelas ocuparon o 97% das habitacións durante as fins de semana de setembro. É a cifra máis alta rexistrada na totalidade de aloxamentos.

A media de ocupación en días laborais sitúase nun 56%, lixeiramente inferior ao ano pasado. No 2022 o número de establecementos aumentou un 26,78 % con respecto ao 2021 e cóntase con case 550 prazas máis. En conclusión, o número de prazas ocupadas é superior a doutros anos.

Para o mes de outubro as previsións de ocupación son do 61%. Por establecementos, nos Hoteis de 3 e 4 estrelas espérase unha ocupación do 78,3% , en Turismo Rural do 55,1% , en Vivendas Turísticas e de Uso Turístico do 36,6%  e noutros aloxamentos do 73,8%. 

ÚLTIMAS

Está a arder Roxe de Sebes?

Em Soldom contarom-nos que naquela altura houvo quem pensou que César que podia ser...

Deteñen en Bóveda unha persoa requirida por un xulgado de Huesca

A Garda Civil detivo a unha persoa na localidade lucense de Bóveda tras non...

A Pobra do Brollón celebrará As Cores do Outono o 27 de setembro

O Concello da Pobra do Brollón vén de presentar o cartel da XI edición...

O lume non dá tregua no Concello de Quiroga

O incendio que saltou de Larouco a Quiroga o pasado 15 de agosto está...