Mellora na rede de abastecemento da rúa Santa Clara de Monforte con cortes no subministro o día 29 de novembro

O Concello de Monforte informa de que o vindeiro martes, 29 de novembro, levará a cabo obras de mellora na rede de abastecemento de auga na rúa Santa Clara, na acometida de abastecemento ubicada á altura do nº 18.

Auga da billa | Fonte: Europa Press

Estas obras de mellora suporán que se leven a cabo cortes dende as 9:00 horas no subministro de auga que afectarán á propia rúa Santa Clara, ó Camiño da Barxa, á rúa da Veiga e un tramo da Ronda Mª Emilia Casas Baamonde, en concreto, entre o Camiño de Santa Clara-A Veiga e o Camiño das Codesás.

Tamén estas actuacións levarán a que, a partir das 9:00 horas, tamén se proceda ó corte de tráfico de vehículos en dita rúa Santa Clara.

Os cortes, tanto no tráfico de vehículos coma no abastecemento, manteranse ó longo da mañá, mentres dure o desenvolvemento das obras.

DEIXAR UN COMENTARIO

Please enter your comment!
Please enter your name here