Despois dun verán de concertos por toda a rexión coa xira “Na miña pel”, Lucía entende que chega o momento de “reencontrarse con novos ritmos e melodías”. Un punto de inflexión na súa carreira para poñerse na man de coñecidos produtores americanos e traballar en algo novo.
Trátase dunha carreira de fondo na que a artista galega leva máis de 16 anos e na que co paso do tempo foi combinando os distintos folclores con ritmos urbanos de todo o mundo. En xaneiro do 2023, sairá á luz “LA PENÚLTIMA”, o seu próximo single, unha canción vitalista que busca crear un momento de goce, de tolemia e de vivir o momento. Nos vindeiros meses, pois, Lucía embarcarase de novo por terras americanas para a gravación de temas que formarán parte do seu novo traballo discográfico.
LUCÍA PÉREZ
Esta artista, natural do Incio, participa de maneira habitual en programas de diferentes temáticas e é unha das caras visibles da Televisión de Galicia. No 2011 representou a España no Festival de Eurovisión coa canción “Que me quiten o bailao”, dando paso a consagrar a súa gran carreira profesional.
Cun recoñecemento musical consolidado en Galicia pouco a pouco ve como esa sona está a chegar ao resto do panorama nacional e internacional.
