O Saviñao podería contar cun Polígono Agroforestal para gandaría

O conselleiro do Medio Rural, José González, acompañado da directora xeral da Axencia Galega de Desenvolvemento Rural, Inés Santé, reuníase este mércores co alcalde do Saviñao, Juan Carlos Armesto, para coñecer as principais demandas e necesidades relativas ao agro neste concello.

EL CONSELLEIRO DO MEDIO RURAL JOSE GONZALEZ Y LA DIRECTORA XERAL DE LA AXENCIA GALEGA DE DESENVOLVEMENTO RURAL INES SANTE MANTUVIERON UNA REUNION EN ESCAIRON CON EL ALCALDE CARLOS ARMESTO Y CONCEJALES

Neste encontro abordouse a posibilidade de implementar un polígono agroforestal para gandaría nos arredores da aldea de Xesto. Neste senso, o conselleiro acordou enviar técnicos da Axencia para estudar a viabilidade deste polígono e poder comezar cos traballos o antes posible. Nesa liña, lembrou que o seu departamento destina para o ano 2023 un total de 5,9 millóns de euros para o desenvolvemento de instrumentos de recuperación da terra agraria, un 11% máis ca en 2022. Deste montante, explicou, uns 4,4 millóns serán para actuacións en polígonos agroforestais e aldeas modelo.

Tamén se tratou a necesidade de arranxar diversos viarios, avanzouse que no Plan de Infraestruturas Rurais de 2023 consignarase unha axuda para arranxar a estrada do cruce de Tribás a Ousende, cunha dotación de 120.000 euros.

Ambos dirixentes abordaron a posibilidade de apoiar aos montes veciñais da localidade e a de reforzar a colaboración para a loita contra os incendios. Tendo en conta a dispersión dos núcleos de poboación deste concello, o conselleiro acordou garantir a presenza da Oficina Agraria Móbil para mellorar as prestacións de servizos no municipio.

DEIXAR UN COMENTARIO

Please enter your comment!
Please enter your name here