O automóbil novo adquirido polo Concello é un vehículo Patrulla P-1, modelo Hyundai Tucson tipo SUV, eléctrico híbrido de gasolina, de 5 portas e 5 prazas, con carrocería acristalada de cor branca, rotulado co logotipo do Concello e demais indicativos oficiais, e equipado segundo a normativa oficial e seguindo as directrices da unidade policial monfortina.

“Adquirímolo seguindo as directivas europeas que avalan os criterios de compra pública verde, o noso obxectivo é implantar medidas que conduzan a reducir os niveis de contaminación, dentro dos parámetros marcados pola denominada Transición Enerxética. Por iso, eliximos un vehículo adaptado ás necesidades da nosa plantilla da Policía Municipal e que á vez sexa respectuoso co medio ambiente”, sinala o alcalde, José Tomé.

Este novo vehículo engádese ó parque móbil municipal, actualmente formado por dous vehículos tipo utilitario, un todoterreo, un furgón de atestados e unha moticicleta.

O novo vehículo foi adquirido polo Concello, mediante renting a 4 anos, por un importe de 45.941,28 €. Na súa adquisición, o Concello aportou o 20% do custe, mentres que o 80% restante corresponde a unha axuda do Fondo de Cooperación Ambiental.