IniciosociedadePLADESAPU convoca a partidos políticos e sindicatos a traballar conxuntamente pola sanidade

PLADESAPU convoca a partidos políticos e sindicatos a traballar conxuntamente pola sanidade

A Plataforma en Defensa da Sanidade Pública (PLADESAPU) de Monforte convida para este mércores aos representantes dos diferentes Partidos Políticos da zona e Sindicatos para manter unha reunión en busca de apoio para as diversas actividades que se programarán proximamente.

Publicado o

POR
Redacción
- Advertisement -

Segundo a Plataforma, os problemas que está a sufrir a Zona Sur non poden pasar desapercibidos para ninguén. Consideran fundamental que tanto poboación, profesionais dos centros sanitarios como sindicatos e partidos políticos remen xuntos nunha mesma dirección para esixir ao SERGAS a total cobertura de profesionais tanto da Atención Primaria como da Atención Especializada.

De cara a esta ‘causa común’ convocan a diferentes colectivos a unha reunión terá lugar o mércores 25 de xaneiro as 19:00 h. da tarde na Sala 1 da UNED, no edificio da Casa da Cultura Poeta Lois Pereiro de Monforte de Lemos.

Por outra banda, Pladesapu celebra a nova incorporación do posto de dietista-nutricionista no Centro de Saúde de Monforte, que supón un piar fundamental na prevención e promoción da saúde e conleva un incremento na calidade asistencial. Pero lamentan a falta de autonomía do servizo, “sabemos por unha testemuña que xa fixo uso deste servizo, que unicamente recibirá unha visita, dado que, segundo nos informan, o propio SERGAS priva de liberdade ao profesional para dar citas posteriores de seguimento. Isto implica o menoscabo da autonomía da figura da dietista-nutricionista, ao non poder aplicar os seus coñecementos, sobre todo no caso de pacientes crónicos e que precisan un seguimento estreito para o mantemento de hábitos saudables imprescindibles e determinantes na evolución das súas patoloxías”.

A Plataforma denuncia tamén a falta de protocolos e material para o desenvolvemento da actividade deste servizo e solicitan que se tomen medidas.

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...