Iniciosociedade930.000€ para as rutas fluviais pola Ribeira Sacra que comezarán en...

930.000€ para as rutas fluviais pola Ribeira Sacra que comezarán en primavera

A institución provincial está xa a preparar a nova tempada deste servizo para que as embarcacións comecen a operar cara a primavera.

Publicado o

POR
Redacción
- Advertisement -

A Xunta de Goberno vén de aprobar a renovación do encargo á empresa pública Tragsa da prestación do servizo de rutas fluviais en catamarán pola Ribeira Sacra para o ano 2023, por un importe de preto de 930.000€.

A voceira socialista do Goberno e Deputada de Réxime Interior, Promoción do Territorio e Turismo, Pilar García Porto, explicou que nesta ocasión o encargo a Tragsa inclúe a posta a punto das embarcacións, a súa revisión e reparación integral, para o que será preciso sacar os barcos da auga. “O obxectivo é que os catro catamaráns que xestiona a Deputación estean en perfectas condicións, e cumpran con todas as garantías de calidade para o inicio da tempada”, mellorando así, afirmou, “a seguridade e a comodidade dos viaxeiros en ruta, e ofrecendo un mellor servizo”.

Tragsa, medio propio da Deputación de Lugo dende finais do 2019, xa se ocupou das rutas en catamarán durante o pasado 2020, 2021 e 2022, “con resultados satisfactorios. Así o avalan os datos que nos deixan cada tempada as rutas. Sen ir máis lonxe, o pasado ano 2022 máis de 50.000 persoas desfrutaron da Ribeira Sacra dun xeito único, como é o que ofrecen estas viaxes fluviais”.

As rutas fluviais

A Deputación de Lugo ofrece a través deste servizo dúas rutas fluviais pola Ribeira Sacra: a Ruta Fluvial Canón do Sil, que parte do embarcadoiro da Deputación Ponte do Sil, e a Ruta Fluvial Cabo do Mundo, que parte do embarcadoiro de Belesar.

A do Canón do Sil é unha travesía de dúas horas na que operan dúas embarcacións cunha capacidade total de 159 prazas: 107 no catamarán Mencía e 52 no monocasco Canón do Sil. En canto á Ruta Cabo do Mundo, ten capacidade para 72 viaxeiros. Ademais, a institución provincial contará cunha cuarta embarcación a punto, no caso de ter que reforzar o servizo.

ÚLTIMAS

Restauración da imaxe da Virxe dos Remedios da Ermida, en Quiroga

A imaxe da Virxe dos Remedios da Ermida está a sufrir unha importante restauración...

‘Volta ao xogo’: o novo single dos chantadinos TIAM Gz

Tras dous anos sen sacar temas, neste 2024 a banda de Chantada TIAM Gz...

Curso de ‘alquimia herbal’ en Torbeo, Ribas de Sil

Os e as amantes das plantas, e do seu poder medicinal, teñen a vindeira...

Rebaixan a pena dun veciño de Monforte condenado por violación

A sección segunda da Audiencia Provincial de Lugo rebaixou, en aplicación da lei do...