Homesociedade76.000€ para melloras ambientais e infraestruturas municipais en Sober

76.000€ para melloras ambientais e infraestruturas municipais en Sober

O vicepresidente segundo e conselleiro de Presidencia, Xustiza e Deportes, Diego Calvo, visitou este martes o municipio de Sober para coñecer as melloras realizadas nos últimos anos no ámbito ambiental e de infraestruturas, no marco da orde de axudas para mellorar infraestruturas para a prestación de servizos municipais e do Fondo de Compensación Ambiental.

Publicado o

POR
Redacción
- Advertisement -

Na súa visita, na que estivo acompañado pola directora xeral de Administración Local, Natalia Prieto, Diego Calvo coñeceu as obras na contorna da alameda (parque infantil e área biosaludable).

Con cargo a estas axudas, nos anos 2021 e 2022, a Xunta impulsou varios proxectos, con achegas que suman máis de 76.000 euros nesta localidade, segundo explicou a Consellería. Ademais, a través do Fondo de Compensación Ambiental, acondicionouse a cuberta da oficina de Turismo para mellorar a súa eficiencia enerxética e o confort da edificación. Así mesmo, adquiriuse un vehículo eléctrico para o traslado de persoal municipal e materiais necesarios en tarefas de protección e conservación do medio.

Segundo lembrou o vicepresidente segundo, a Xunta abriu este mes os prazos das novas convocatorias da orde de axudas para infraestruturas, dotada con 3,5 millóns de euros; e do Fondo de Compensación Ambiental, dotado con máis de 11 millóns de euros. “Animamos ás entidades locais a participar destas medidas, quqe só no pasado ano impulsaron 325 proxectos en todo o territorio galego”, apuntou Diego Calvo.

ÚLTIMAS

Todo listo para o VII Festival do Viño da Ribeira Sacra de Monforte

A conta atrás para a sétima edición do 'Festival do Viño da Ribeira Sacra...

As comarcas de Lemos e Quiroga fan que diminúa o paro na zona sur da provincia en xuño

Por comarcas, as de Lemos e Quiroga foron as que tiveron un mellor comportamento,...

O PP pide no Congreso acceso aos expedientes dos contratos na liña ferroviaria Monforte-Lugo que aparecen nos informes da UCO

O deputado monfortino no Congreso dos Deputados, Francisco Conde, e a deputada autonómica...

O BNG demanda a Transportes melloras na N-120A ao seu paso por Pantón

O deputado do BNG no Congreso, Néstor Rego, sinala a urxencia dos traballos de...