HomesociedadeSarria mellora a sinalización vial horizontal en máis de medio cento de...

Sarria mellora a sinalización vial horizontal en máis de medio cento de rúas

O Concello de Sarria comezou este martes os traballos de mellora da sinalización vial horizontal en máis de medio cento de rúas da vila, que incluirán o repintado das marcas na calzada e dos pasos de peóns, a sinalización das prazas de estacionamento reservadas para minusválidos, e a sinalización das zonas de carga e descarga, de ambulancias e para as paradas dos autobuses.

Publicado o

POR
Redacción
- Advertisement -


O concelleiro de Mobilidade e Ordenación do Tráfico, Félix Seijas, precisou que estas tarefas, que contan cun orzamento de 41.765 euros, prolongaranse durante días, “sempre que as condicións meteorolóxicas o permitan”, polo que pediu desculpas ante as posibles molestias que se poidan ocasionar. Ademais, solicitou á veciñanza e aos condutores que respecten as indicacións dos axentes da Policía Local para facilitar o desenvolvemento dos traballos e minimizar a incidencia sobre o tráfico.

Esta mellora da sinalización vial desenvolverase nun total de 54 rúas, con tres niveis de actuación: no primeiro grupo atópanse 10 rúas (Rúa Liberdade, Rúa Nova, Rúa Gran Vía Alfonso IX, Rúa das Insuas, Rúa Xoán Montes, Rúa Pascual Veiga, Rúa Castelao, Rúa Pombal e Rúa Formigueiros) nas que se pintará a totalidade das marcas horizontais e dos pasos de peóns; no segundo grupo inclúense 29 rúas nas que se pintarán os pasos de peóns e as liñas da calzada; e no terceiro grupo están 15 rúas nas que só se pintarán os pasos nas zonas máis deterioradas.

Dentro do proxecto tamén se acometerá a instalación de bolardos a carón dos pasos de peóns máis perigosos coa finalidade de que os vehículos non poidan estacionar preto deles, o que permitirá mellorar a visibilidade e incrementar a seguridade.

O concelleiro de Mobilidade e Ordenación do Tráfico apelou á responsabilidade e precaución dos peóns para cruzar as rúas pedíndolles que o fagan polos pasos sinalizados, coa finalidade de minimizar o risco de atropelos. Ademais, lembroulle aos condutores que a velocidade máxima permitida nas rúas do centro urbano é de 30 Km/h.

ÚLTIMAS

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...