Durante toda a xornada, os restaurantes da localidade ofreceron menú único a base de caldo, costelas e postres típicos. A cita contou con demostracións de cociña en vivo a cargo do cociñeiro Álvaro Villasante. Contouse tamén con música e exposición de coches clásicos e das Fachas de Taboada.

Nos expositores, Supermercado Vilosa, Galletas Xianas e Panadería Darío foron premiados pola decoración dos seus postos para esta cita.

As autoridades e asistentes á Festa do Caldo de Ósos destacaron a calidade deste saboroso prato, que tradicionalmente se cociñaba nas casas na época da matanza. A súa receita e o xuntarse coa familia e amigos manténse xeración tras xeración. Citas gastronómicas como esta son claves para dinamizar a economía local a través das propias tradicións.