Mulleres e diversidade funcional, Femforte este 23 de febreiro charla e manifestación

Este xoves, 23 de febreiro ás 19:00hs.da tarde, a Casa da Cultura de Monforte acolle unha charla coloquio sobre as violencias e desigualdades ás que se enfrontan as mulleres con diversidade funcional da nosa contorna no seu día a día.

Concentración de Monforte o pasado 18 de setembro. Foto: FEMforte

Participarán da charla na casa da cultura, Mariluz Vázquez Regueiro, Coordinadora e Traballadora Social da Asociación de Mulleres con Discapacidade de Galicia (discapacidade física), María José Losada Martínez, Psicóloga da Delegación Territorial de Galicia da ONCE (discapacidade visual), Montserrat Pérez Abad, Psicopedagoga de Prodeme (discapacidade intelectual) e Olalla García Mariño, Traballadora Social da Asociación Albores Saúde Mental (discapacidade mental).

As participantes abrirán a sesión ás 19.00h cunha exposición de arredor de 15 minutos por entidade e a continuación será o turno do públiico, que poderá achegar as súas aportacións e cuestións.

Ao remate do coloquio convocan unha concentración en repulsa ás presuntas agresións sexuais mantidas no tempo, contra a menor monfortina, que está sendo obxecto de atención nos medios de comunicación estes días. Será ás 8:30hs. na Praza de España.

DEIXAR UN COMENTARIO

Please enter your comment!
Please enter your name here