Segundo o sindicato, a vontade da dirección de eliminar esta praza de técnico de laboratorio nos póximos meses suporá precarización do traballo que redundará na perda da calidade asistencial aos pacientes.
CSIF acusa á dirección do centro de faltar á verdade cando argumenta que non hai a suficiente carga de traballo no servizo que xustifique o mantemento dese posto de técnico. Desde a Central Sindical aseguran que, segundo a información recibida directamente dos traballadores, “só as probas realizadas no laboratorio de Urxencias no últimos tres anos aumentaron en 300 aproximadamente, e o mesmo sucede nas distintas unidades do servizo, onde tamén medrou o traballo de forma considerable.
CSIF advirte á dirección que “reducir o persoal de 18 traballadores do servizo a 17, fará que un deles teña que facer os labores de dous postos á vez, o que redundará nunha perda da calidade asistencial dos pacientes”.
