HomesociedadeO concello de Folgoso do Courel cumpre cos seus trámites para ter...

O concello de Folgoso do Courel cumpre cos seus trámites para ter residencia da terceira idade e insta á Deputación a que presente o proxecto “dunha vez por todas”

O Concello de Folgoso do Courel aprobará unha moción no Pleno do vindeiro venres para instar á Deputación de Lugo a que “dunha vez por todas presente o proxecto da residencia da terceira idade para o concello, pois estamos a falar dun convenio que se comprometeu no 2015, se firmou no 2018, e que xa se prorrogou en 2 ocasións”.

Publicado o

POR
Redacción
- Advertisement -

O Goberno local considera que os veciños do Concello de Folgoso do Courel “non merecen estar sometidos a este desprezo continuo dando largas a un proxecto tan necesario nun Concello destas características cunha poboación con idades moi avanzadas e con gran dispersión xeográfica, o máis lonxe da provincia de Lugo de todos os servizos.” Na iniciativa demanda “que se presente  o proxecto a  maior brevidade para continuar co proceso e licitar canto antes as devanditas obras”.

Desde a corporación municipal fan esta petición logo de que a alcaldesa se reunira a principios do mes de decembro co deputado delegado, Pablo Rivera, asegura que “este lle expuxo que tiñan que revisar o proxecto polo aumento dos prezos dos materiais coa intención de evitar problemas de licitacións desertas como esta a ocorrer en outras residencia; e comprometeuse a facilitar esta información en xaneiro deste ano, sen que o teña feito ata a data.”

No convenio asinado no seu día estimábase un investimento de 1,4 millóns de euros, dos cales 1,2 serían achegados pola Deputación Provincial, encargada, entre outros de licitar, adxudicar e xestionar os contratos de obra e servizos precisos; sendo obriga do Concello achegar 200.000 euros, e entre outros, achegar os terreos necesarios para  construción da residencia e centro de día.

Desde o concello sinalan que o 10 de decembro de 2019 elevouse a escritura pública a cesión gratuíta da parcela e elementos a favor da Deputación de Lugo, para construción residencia, mentres que o 13 de xaneiro do 2022 o Concello mediante Xunta de Goberno concedeu licenza urbanística á Deputación de Lugo para levar a cabo ditas obras. “Isto demostra que o Goberno local cumpriu coas súas obrigas”, aseguran.

En xuño de 2020 a rexedora mantivo unha reunión co presidente da Deputación para tratar entre outros temas a construción da residencia do Concello e manifestou o compromiso tal e como quedou constatado na adenda ao convenio de seguir adiante coa tramitación para sacar a construción da residencia adiante. Así, a finais do ano 2021 firmouse a 2ª adenda de prorroga para a construción residencia con fecha límite de entrega das obras a xullo de 2025, sen que nada se saiba desde entón.

ÚLTIMAS

A D.O. Ribeira Sacra no Salón Gourmets de Madrid do 7 ao 10 de abril

O Salón Gourmets, na súa 38ª edición, consolídase como o evento europeo de referencia...

“Coreografías do facer: imaxes do traballo feminino en Gustav Henningsen”, a exposición na igrexa nova de Chantada

A igrexa nova de Chantada acolle ata o 20 de abril a exposición "Coreografías...

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

O Ministerio de Transportes responde a Por un Interior Galego Vivo

O Ministerio responde sinalando os plans previstos en determinados puntos das estradas. Están en...