Padesapu asegura que hai pacientes que si están a recibir rehabilitación, “outros moitos seguen a esperar que os chamen, gastando recursos en acudir á sanidade privada. Son tratamentos protocolizados, polo que calquera tipo de problema que poida xurdir durante a recuperación, ou incluso a valoración da mesma, non é avaliada por ningún profesional médico.”

Todos os mércores de 17 a 18h, na aula 1 da UNED na Casa da Cultura de Monforte de Lemos, varios membros da plataforma axudan a usuarios que así o soliciten, a facer unha reclamación en relación a este servizo, ou a resolver calquera outra dúbida que poidan ter.

Quen queira acudir deberá levar os seus datos ou os da persoa afectada que queira poñer a reclamación en caso de non poder ir en persoa, ademáis da factura, se están a acudir a rehabilitación pola súa conta.