CIG-Saúde pedía que se puxeran liñas amarelas en todos os telladiños pero que esas prazas foran destinadas para os traballadores, “xa que a realidade é que esas prazas de aparcamento cubertas son usadas polos veciños que viven ao redor do Hospital Público de Monforte que deixan alí os seus vehículos. O fixo Dirección foi reservarse dúas prazas para ela e os seus mandos directos debaixo dos tellados que están diante da entrada principal do Hospital.”

Lembran que o SERGAS publicou na prensa o 22 de febreiro de 2022 que ían aumentar as prazas de aparcamento para todo o mundo “e iso é mentira porque non hai espazo para elo no recinto hospitalario segundo nos recoñeceu a propia Directora, xa que o espazo onde o sergas quería facelo é onde aterra o helicóptero. O único que conseguiron foi restrinxir o número de prazas que había no recinto hospitalario pintando liñas amarelas en moitas zoas a maiores das que había e da cacareada obra, nada se sabe.”

Aseguran que en lugar de aumentar prazas o que fixeron foi reducir un importante número delas e agradecen ao Concello que fixese aparcamento ao carón do novo parque do Hospital “o que fixo que se incrementase o número das que había inicialmente.”