A Asociación Provincial de Empresarios de Hostalería e Turismo de Lugo (Apehl) asegura que esta 15º edición do Estase Cocendo foi todo un éxito. A Apehl agradece a todas as persoas que se uniron ás actividades e o patrocinio da Deputación e outros colaboradores.

A falta do sorteo do día 1, o Estase Cocendo remataba esta fin de semana con visita guiada por Monforte e o Cocido das Meigas. Comezouse co Xantar das Meigas no Parador de Monforte de Lemos, pola tarde celebrouse un taller de maquillaxe infantil da man de María Jesús Cao no Centro do Viño da Ribeira Sacra. Ás 20:00 horas, as meigas reuníronse na praza de España acompañadas de batucada do Centro de Ensinos Artísticos Creativa. Manuela Fuentes, meiga de honra, leu un manifesto e o concelleiros, José Luis Losada e Manuel Mougán, recibiron ás meigas e animaron á xente a participar nesta actividade para que, co tempo, convértase nunha festa maioritaria na cidade e sexa un referente na Ribeira Sacra.

O xurado do concurso, composto por Pilar Rodríguez, artesá e propietaria da tenda En Lá; María Luisa Sobrino, delegada da Asociación Española contra o Cancro en Monforte, e a fotógrafa Paula Fernández, decidiu outorgarlle o premio de Meiga Maior a Zoraida e o de Meiga Menor a Sofía. As integrantes do xurado valoraron moito a posta en escena, a actitude e a participación durante todo o percorrido.