O bar O Portón coa tapa “O Capricho do Portón” foi o gañador do XI Concurso Quiroga de Tapas que se desenvolveu entre o 29 de marzo e o 7 de abril
Seis foron os establecementos inscritos nesta edición que contou cunha numerosa participación, 323 tapacartóns debidamente cubertos. Os participantes que votaban a súa tapa favorita tamén tiñan que poñer os seus datos persoais e era importante que estes datos fosen completos e lexibles posto que todos os tapacartóns entraron nun sorteo.
Os premios para os participantes eran 200 € e 100 € en metálico, un paseo a cabalo para dúas persoas en Hípica Os Trancos (Monforte de Lemos), unha ruta en segway ao Mirador Pena do Castelo e degustación dun viño no Miradoiro; degustación dun viño para dúas persoas na adega Val do Frade en Vilachá; cea para dous en Chapakuña 3; cea de carne á pedra para dúas persoas na Cervecería Chamouco, en Bóveda; cea para dous na Botica ou cestas con produtos típicos da zona: Aceiroga, Atrium Vitis, Casa de Outeiro, Deiki, EDV 2015 e Lar de Ricobao.
