A longametraxe documental Circo Nevada, producida por Amanita Studio e dirixida por Manuel Válcarcel, fotógrafo e director cinematográfico, estréase este 28 de abril no Play Doc International Film Festival de Tui que se celebrará entre os días 26 de abril e 01 de Maio. O filme participa na sección a competición Galicia.
Amanita Studio é unha produtora monfortina responsable de filmes como Os días Afogados, Idénticas, ambas gañadoras do Mestre Mateo ao mellor documental, ou a coprodución Lúa Vermella estreada na Berlinale; e de Manuel Valcárcel pódese salientar que foi director do documental Tempo e operador de cámara para series de éxito nacional e internacional como La Unidad ou, máis recentemente, na longametraxe Life is Live.
CIRCO NEVADA, O DOCUMENTAL
Circo Nevada, que conta coa participación de Deputación de Lugo e o Concello de Monforte, é unha longametraxe documental que xira en torno as vivencias dos integrantes do Circo Nevada durante o tempo que quedaron en Monforte de Lemos, polas restricións de mobilidade acordadas durante o estado de alarma decretado polo Goberno Español durante a pandemia da COVID-19. O filme fala sobre as súas emocións, e as dificultades de enfrontarse a unha situación cada vez máis angustiosa, sen poder volver as súas casas e sen poder realizar actuación algunha. Pouco a pouco vaise creando un microcosmos, fiel reflexo da sociedade na que vivimos , onde as clases sociais separáronse máis e máis a medida que avanzou a pandemia.
A estrea supón o pistolezado de saída a unha distribución que terá un percorrido multiplataforma que levará a película a viaxar por diversos festivais de cinema, concellos galegos e salas de cine. En palabras do produtor do filme Iván Patiño “A estrea en Play Doc supón comezar da mellor maneira posible a distribución do filme. Play Doc é un dos mellores festivais de documentais que existen en España e competir na sección oficial da boa conta de que a película esperta un grande interese”.
