O Concello de Sober celebrará o vindeiro 3 de xuño a XXI Festas das Avoas e dos Avós que terá lugar no pavillón do CEIP Virxe do Carme. Haberá servizo de autobuses, misa, comida, actuación musical e sorteo de agasallos.

O prezo para participar da festa na que non faltará o viño de Amandi, será de 10 euros para as persoas empadroadas e 20 para as non empadroadas.

Nutrición e cancro

A Asociación Española contra o cancro de Monforte de Lemos organiza unha charla para o 15 de xuño ás 17.00 no centro cívico . Falarase sobre nutrición para a prevención de cancro e durante o tratamento oncolóxico.

Convídase a participar deste encontro a todas as persoas interesadas. A entrada é libre e de balde, non necesita inscrición previa.