O XII Salón Turístico de Galicia desenvolverase entre os días 8 e 11 de xuño en Silleda, e de forma paralela celébrase FESTUR, a IX Feira de Festas de Galicia, un atractivo extra para as celebracións declaradas de Interese Turístico, como é o caso da Feira do Viño de Amandi.

O Concello de Sober contará por primeira vez cun stand individual (número A.39) onde poder mostrar os seus atractivos, explicar aos asistentes as súas peculiaridades e distribuír material promocional.

A presenza nesta feira forma parte das accións que impulsa o Goberno local para que a Feira do Viño de Amandi sexa declarada Festa de Interese Turístico Nacional.