A Xunta de Galicia promove proxectos para fomentar o uso do galego durante este curso en 858 colexios e institutos sostidos con fondos públicos cunha achega total de 350.000€.
No Diario Oficial de Galicia vén de publicarse a resolución dos centros adxudicatarios, coa indicación da puntuación concedida e do financiamento definitivo asignado a cada proxecto, así como a relación dos centros excluídos, coas correspondentes causas de exclusión.
Do total de centros adxudicatarios 114 son da provincia de Lugo, e contarán cunha partida de 45.231€.
CENTROS BENEFICIADOS NO SUR DE LUGO E IMPORTES CONCEDIDOS
Chantada: CEIP Eloisa Rivadulla (326 €), IES Lama das Quendas (435 €) e IES Val do Asma (215 €)
Carballedo: CEIP Xosé Luis Taboada (262 €)
Taboada: CPI San Tomé do Carballo (275 €)
Sarria: CEIP Antonio Fernández López (391 €), CEIP Frei Luis de Granada (475 €), EEI Xela Arias (413 €), IES Gregorio Fernández (469 €), IES Xograr Afonso Gómez (453 €)
O Páramo: CEIP do Páramo (330 €).
O Incio: CEIP Ricardo Gasset (373 €).
Monforte de Lemos: CEE Infanta Elena (375 €), CEIP A Gándara (333 €), CEIP Plurilingüe de Monforte (373 €), IES A Pinguela (295 €), IES Fco. Daviña Rei (409 €) e IES Río Cabe (411 €).
A Pobra do Brollón: CEIP A Pobra do Brollón (418 €)
Pantón: CEIP Monte Baliño (280 €).
Sober: CEIP Plurilingüe Virxe do Carme (424 €).
Quiroga: CEIP de Quiroga (386 €)
Folgoso do Courel: CPI Poeta Uxío Novoneyra (429 €).
As cantidades asignadas a cada centro mediante esta convocatoria transferiránselles aos centros nun único pagamento no período correspondente ao exercicio económico de 2023. Ademais, estes terán ata o 30 de xuño deste ano para presentar ante os gabinetes provinciais a xustificación dos gastos correspondentes aos seus respectivos proxectos, xa que non facelo poderá ser causa de revogación das cantidades asignadas.
FOMENTO DO USO DO GALEGO ENTRE O ALUMNADO
A Consellería de Cultura, Educación, FP e Universidades convoca cada ano esta liña de axudas para todas as etapas educativas non universitarias co fin de contribuír a financiar as actividades que realizan os Equipos de Dinamización da Lingua Galega e o profesorado dos centros públicos de Galicia.
