Xa opasado dia 26 de maio, o concello reicibía unha comunicación da subdirección xeral de pasos a nivel e instalacións de protección e seguridade de ADIF, de que rematara o expediente para licitar a obra de supresión dos pasos a nivel de Juan Montes e Rio Seco, no término municipal de Monforte de Lemos, que inclúen 5 Novas Rúas, un Paso Inferior baixo a vía de ferrocarril de Monforte – Lugo, unha Rotonda e unha Ponte sobre o Rioseco.
ADIF informaba tamén de que se producira un incremento do custe da obra, motivada pola actualización de prezos dos materiais de construcción para obra pública, ascendendo o presupuesto de licitación a 6.837.621,84 € que engadido o 21% do IVE, ascende na súa totalidade a 8.273.522,43 €. O prazo de execución das obras estímase en 16 meses unha vez asinada a acta de replanteo.
Esta publicación na plataforma será completada coa publicación no Boletín Oficial do Estado, nos próximos días, de xeito que as ofertas das empresas para a execución das obras poderanse presentar ata o próximo 14 de xullo ás 13 horas.
“A previsión é que as obras queden adxudicadas dentro deste mesmo ano, para que a comezos do próximo ano poidan iniciarse as obras fisicamente, sobre o terreo, e quedar rematadas para entrar en servizo ao longo do ano 2025”. Tal e como explicou o Alcalde, este proxecto de Supresión dos Pasos a Nivel era un dos compromisos que figuraron no Programa electoral, no punto 5 do apartado de infraestructuras e como xa indicou no discurso da Toma de Posesión, xa está en marcha o cumprimento deste compromiso, que sen dúbida “é un proxecto moi relevante que vai cambiar a fisionomía da cidade nesa zona de Monforte, mellorando as comunicacións tanto para vehículos como para persoas, dado que xa non haberá que estar esperando nos pasos a nivel, e, sobre todo, a mellora que supón na seguridade dos peóns, polo risco que supón cruzar as vías tal e como está na actualidade”.
