A Asociación de Veciños de Santa María de Piñeira, de Taboada, achegouse este martes ao Pazo de San Marcos e posteriormente visitaron os municipios de Burela e Foz con percorridos pola costa e paradas no barco museo boniteiro Reina del Carme e na Basílica de San Martiño.
Este mércores a Asociación Sociocultural e Recreativa O Priorato, de Lugo visitará o Mazo de Santa Comba e posteriormente os concellos de Sober e Monforte. Nesta viaxe, a veciñanza coñecerá a igrexa románica en Sober e un miradoiro. Tamén farán un percorrido no catamarán que a Deputación ten polo Canón do Sil.
A Asociación de Veciños, Cultural e Deportiva Remeite de San Clodio, de Ribas de Sil, coñecerán o xoves a historia do Pazo de San Marcos, sede da institución provincial, para, a continuación, viaxar ata os concellos de Trabada, A Pontenova e Riotorto.
