O Plan Activa fora suspendido nos últimos dous anos pola pandemia da Covid, un programa especialmente pensado para os maiores co obxectivo de promover o envellecemento activo e mellorar a calidade de vida das persoas maiores. En concreto, búscase promover o benestar bio-psico-social das persoas maiores, promover a socialización e a participación social, habilitar espazos de encontro interxeracionais, evitar as situacións de illamento e soidade, e dinamizar as zonas rurais do Concello.

“Con esta finalidade déuselle prioridade de participación aos maiores de 55 anos, que son os que máis precisaban deste tipo de actividade para volver á normalidade, e gozar dunha vida máis saudable e independente”, sinala o alcalde.

Desde o concello destacaron que se aumentara o número de prazas nas actividades máis demandadas e consolidadas, programando prazas para persoas discapacitadas, aumentouse a duración, estendéndose desde o mes de novembro de 2022 ata o mes de xuño de 2023, completándose así un total de 8 meses.

Nas actividades ofertadas, plantexouse coma novidade “o curso de Competencias dixitais para uso cotiá, no que ensinaron ás persoas maiores como manexar as novas tecnoloxías dixitais, tentando eliminar a fenda dixital interxeracional e reducir as desigualdades que isto provoca”. Como en anos anteriores, todas as actividades foron gratuítas para veciñanza de Monforte.

O alcalde finalizou o acto expresando o seu desexo e intención de continuar con este compromiso persoal de mellorar a vida dos adultos maiores e xa traballan na seguinte edició cun incremento de prazas e de actividades, adaptándoas o máximo posible aos gustos que se extraen das enquisas realizadas aos usuarios e destinando un orzamento de 33.000 €.