O xurado formado polo equipo de Goberno de Bóveda vén de fallar o IX Concurso de Carteis que anunciará a XIX Feira Tradicional de Rubián Outrora. Escolleu o cartel de Alfonso Giménez por ser un dos que mellor recrea un mercado tradicional galego de finais do século XIX ata mediados do século XX.
O concurso contou coa participación de preto de 30 carteis chegados de diferentes puntos da comarca, da comunidade galega e tamén do territorio nacional. Incluso houbo participación estranxeira cun exemplar chegado desde Francia.
O traballo gañador recibirá un premio de 400 euros. Os demais traballos participantes serán expostos en vindeiras datas no Centro Sociocultural de Bóveda. Desde o Goberno local valoran o éxito da iniciativa e agardan que a XIX Feira Tradicional de Rubián Outrora, que se vai celebrar o vindeiro 14 de xullo, cumpra as expectativas e encha o Concello de Bóveda de visitantes
