O Concello dispón de 12 prazas para participar como Xigante e Cabezudo o domingo 14 de agosto pola mañá nas Festas Patronais de Monforte asignándose estas por rigorosa orde de inscrición. O derradeiro día para anotarse será o venres, 4 de agosto.

Se o número de inscricións supera ao número de prazas ofertadas, abrirase unha lista de reserva co fin de chamar a persoas desa lista pola orde na que figuren nela no caso de que se produza a imposibilidade de realizar o percorrido nas datas deste ou nalgunha delas por parte dalgunha das persoas con praza.

Esta actividade, que ten unha remuneración económica de 30€, ten que ser realizada por persoas maiores de idade ou, no caso de ser menor, contar coa preceptiva autorización dos pais ou titores.

Xunto coa solicitude a persoa solicitante deberá presentar copia do seu Documento Nacional de Identidade e no caso de ser menor ademais da autorización dos pais ou titores debe achegarse tamén a fotocopia do DNI da persoa que autorice a participación da persoa solicitante.