O Plan de Acción do Plan de Mobilidade Sostible Ribeira Sacra (PMS) recolle, entre outras cuestións, as problemáticas habituais que experimenta o destino en tempada alta en determinados recursos, como son os embarcadoiros, mosteiros ou outras zonas de lecer, como a Praia da Cova. O documento contempla como posibles solucións a implantación de novos servizos de transporte turístico colectivo ou o trasvase modal de acceso a embarcadoiros (lanzadeiras).
Con isto, e tendo en conta as consideracións do equipo experto responsable da elaboración do PMS, o Consorcio de Turismo pon en marcha unha proba piloto deste servizo de lanzadeiras que comezou o 15 de xullo, en 5 puntos do territorio que rexistran unha elevada afluencia de visitantes e tránsito de vehículos na tempada estival.
Os 5 novos servizos funcionarán gratuitamente todos os días ata o 30 de agosto. Esta periodicidade permitirá analizar o funcionamento do servizo nas semanas máis fortes en afluencia do ano. Cos resultados acadados e os axustes que sexan precisos, levaríase a cabo a organización e/ou contratación dos servizos lanzadeiras de cara aos períodos de tempada alta do ano 2024.
Os horarios plantexados para este verán 2023 son unha proposta de frecuencias para avaliar o nivel e picos de demanda do servizo, de tal xeito que estes poden sufrir variacións ao longo da tempada en función da demanda real de prazas. A capacidade do transporte variará dependendo do percorrido a realizar, entre as 16 e 30 prazas por traxecto. Póñense así a disposición máis de 1.200 prazas diairias nas lanzadeiras para intentar desconxestionar de vehículos as áreas de maior afluencia de visitantes e problemáticas para o estacionamento.
Os itinerarios das lanzadeiras serán os seguintes:
- Monforte de Lemos – Embarcadoiro de Belesar | 28 prazas (retrasa o seu comezo ao luns 17 polo curte de estradas vencellado á Subida a Chantada)
- Monforte de Lemos – Doade (pobo) – Embarcadoiro de Ponte do Sil | 28 prazas
- Escairón – Belesar – Praia da Cova | 16 prazas
- Castro Caldelas – Abeleda (pobo) – Embarcadoiro de Abeleda | 29 prazas
- Lanzadeira ao mosteiro de Santo Estevo de Ribas de Sil | 19 prazas
Enlace aos horarios: https://turismo.ribeirasacra.org/es/lanzaderas-ribeira-sacra-2023
Estas 5 lanzadeiras súmanse á do Mosteiro de Santa Cristina de Ribas de Sil, posta en funcionamento no verán do 2021, tamén no marco do Plan de Sostibilidade Turística en Ribeira Sacra.
Está habilitada a reserva previa de prazas en todos os servizos de lanzadeira, agás no do mosteiro de Santo Estevo, onde non será precisa. Nos primeiros días cunha media de 80-120 reservas sendo o mes de agosto o que máis solicitude rexistra en todos sos servizos.
