Veñen de iniciarse as obras de mellora do firme doutra das rúas incluídas no plan desenvolto polo Equipo de Goberno para rúas de titularidade municipal, o Camiño lateral ó Museo do Ferrocarril. Esta vía presentaba un firme que aconsellaba unha actuación completa de renovación do mesmo, sendo necesario proceder ao fresado dos entronques iniciais e finais da vía, previamente á colocación dunha nova capa de rodadura de aglomerado en quente.

Esta renovación completa do pavimento deste Camiño, nun total de 367 metros lineais, conta cun orzamento de 23.831,89 €.

O rexedor monfortino resalta que “isto supón a continuidade do desenvolvemento dun ambicioso programa de melloras de infraestruturas urbanas e da rede viaria da nosa cidade e das nosas parroquias, porque este é un compromiso que eu como Alcalde teño adquirido cos monfortinos e coas monfortinas, non esquecemos a ningunha parroquia, nin a ningún barrio de Monforte de Lemos.”