A matrícula debe facerse de xeito presencial na Biblioteca municipal ou nas oficinas de Servizos Sociais (Casa da Cultura ‘Olga Novo’), en horario de 9:00 a 14:00. Este ano, os pagos serán domiciliados polo que é necesario presentar o número de conta bancaria a hora de facer a matrícula.
As actividades están abertas tanto a persoas empadroadas como non empadroadas, aínda que as primeiras terán prioridade. Os prezos tamén varían: actividades dun día á semana, 15€ ao mes para persoas empadroadas e 20€ ao mes para non empadroadas. Para as actividades de dous días á semana, 20€ ao mes para persoas empadroadas, ou 25€ ao mes para non empadroadas.
Sobre a subida de prezos con respecto a anos anteriores, o alcalde da Pobra do Brollón, Xosé Lois Maceda, comenta: “Os prezos levaban sen modificarse dende 2009. Aínda co incremento, as actividades seguen a estar subvencionadas polo Concello, resultando nunha media moi baixa duns 3 euros por clase.” Maceda conclúe: “Era unha medida imprescindible para manter de xeito sostible unha oferta variada e de calidade, pensando sempre no benestar e na saúde da veciñanza da Pobra do Brollón.”
Na páxina web do Concello da Pobra do Brollón pódense consultar os horarios das actividades e máis detalles da oferta (http://www.concellodapobradobrollon.gal/gl).
