As melloras realizadas foron o aglomerado en quente dos accesos ao lugar de Rosende e dende o Campo á Lama de Outeiro, tamén na parroquia de Rosende; os accesos á igrexa de Vilaescura, o camiño de A Cigüeñeira ata A Carreira en Anllo, os accesos a O Lobio e Barantes, e a estrada dende A Carqueixa ao muíño de Figueiroá.

Con dobre rego realizáronse os accesos a Tabouzos dende Lobios e dende Amandi e os accesos a Vilariño dende As Gándaras, na parroquia de Pinol.

Antes de que remate a semana quedará concluído o aglomerado en quente dos accesos á Costa dende O Mollón en Neiras e os accesos a A Pena de Gundivós.

A mellora de camiños de titularidade municipal segue sendo unha das prioridades do equipo de Goberno local tal e como aseguran.