Lamentan desde CCOO que o paro aumentara na zona sur da provincia, situándose en 1987 parados, reducíndose soamente no Saviñao con 7 parados menos, Bóveda, Carballedo e Chantada. O sindicato amosa tamén a súa preocupación coa comarca Sarria, ao engrosar nas listas do paro 5 sarriáns máis, sendo os sectores da hostalería e educativo os causantes deste aumento.
Datos comarca de Lemos, 1.277 (+21):
- Bóveda, 36 (-3)
- Pantón, 92 (+2)
- Monforte de Lemos, 912 (+25)
- A Pobra do Brollón, 56 (=)
- O Saviñao, 115 (-7)
- Sober, 66 (+4)
Datos comarca de Quiroga, 201 (+2):
- Folgoso do Courel, 37 (+1)
- Ribas de Sil, 33 (=)
- Quiroga, 131 (+1)
Datos comarca de Chantada, 509 (-3):
- Taboada, 90 (+3)
- Carballedo, 59 (-3)
- Chantada, 360 (-3)
Datos comarca de Sarria, 787 (+5):
- O Incio, 39 (+5)
- Láncara, 75 (-4)
- Paradela, 18 (=)
- O Páramo, 30 (=)
- Samos, 34 (+3)
- Sarria, 582 (+2)
- Triacastela, 9 (-1)
CC.OO. ve un bo comportamento nos sectores (Industrial e Agro Gandeiro), en concellos como Triacastela e Láncara e amosa a súa preocupación pola perda de empregos en Inelcom e o declive da Cementeira de Oural. O sindicato anuncia ademais que vai levar ao xulgado do social “a tropelía da Xunta, co colectivo de profesores interinos dos distintos Institutos de Lugo” e lamentan que “a dirección de Domusvi despedira a unha traballadora (fisioterapeuta), de forma sectaria; despois dunha longa traxectoria impecable de máis dunha década de servizos”. A Secretaría de Acción Sindical de CC.OO. Lugo xa o ten o tema en mans dos servizos xurídicos ao consideralo “unha clara represalia sindical contra CC.OO.”
