A LU-P-5807 será renovada nos seus primeiros 6,415 quilómetros cun orzamento de máis de 60.500 euros, mentres que a LU-P-5808 rehabilitarana desde o inicio ao momento quilométrico 5,125 cun investimento que rolda os 100.000 euros. A empresa adxudicataria é Fevisa Vías e Obras.

Así, os traballos consistirán na reapertura de cunetas, a reparación do estado do firme e o asfaltado da superficie para mellorar a circulación e aumentar a seguridade dos usuarios que utilicen esta vía provincial.

Desta forma, a mellora destas vías beneficiará ao sector turístico e vitivinícola da zona e ademais por unha banda dela pasa o Camiño de Santiago de Inverno, así como o sector gandeiro e agrícola.