Un total de 120 persoas traballan nos cinco obradoiros de emprego que están en marcha en 14 concellos do sur da provincia; Monforte de Lemos (acondicionamento das instalacións da Escola Obradoiro de A Pinguela), Sillor V (Ribas de Sil, Folgoso do Courel e Quiroga), Serra do Faro V (Chantada e Carballedo), Baliño 2 (Pantón, O Saviñao e Sober) e Ulla-Miño V (Antas de Ulla, Palas de Rei, Monterroso, Taboada e Portomarín). Cada obradoiro recibe 288.800 euros  e conta con 20 participantes.

Tres dos proxectos optaron pola fórmula dos obradoiros duais. Tratáse dunha ensinanza no que  o alumnado pode sumar ao contrato de formación e aprendizaxe no obradoiro -que dura nove meses- outro posterior nunha empresa do entorno de polo menos tres meses máis. En concreto, está previsto que poidan acollerse a esta modalidade 11 alumnos do  Serra do Faro, nove do Ulla-Miño e oito do de Monforte de Lemos.

Do total de contratos realizados, un centenar corresponde a alumnos traballadores, que reciben formación teórica e práctica para reorientar a súa traxectoria laboral; o resto son monitores, directores e persoal de administración.

O proxecto Sillor V formará en “Operacións auxiliares de revestimentos continuos en construción” a sete persoas en Folgoso do Courel, que traballarán na rehabilitación das  escolas da Teixeira e O Carballal e o seu entorno para convertelas en centro social e realizará os remates interiores do centro social de Sobredo.

A especialidade de “Operacións auxiliares de albanelaría, de fábricas e cubertas” terá seis alumnos en Ribas de Sil, dedicados á construción do Museo da Minaría Romana, e outros sete en Quiroga,  para avanzar na ampliación do Museo Xeolóxico e acometer a reforma  interior do pavillón polideportivo municipal.

En canto ao proxecto de Monforte de Lemos, oito alumnos fórmanse en “Operacións auxiliares de revestimentos continuos en construción” e doce en “Fábricas de albanelaría”, e traballarán no acondicionamento das instalacións das escola obradoiro da Pinguela.

A Consellería de Economía, Emprego e Industria inviste preto de 1,5 millóns de euros no conxunto dos  proxectos (1.486.000 euros).