‘A Pista’ de San Clodio, terraza do Hotel-Restaurante’ Las Vegas, apura a tempada coas súas propostas de lecer musical para a clientela. Así, pois, e aproveitando o calor que chegou estes días, esta fin de semana na que remata setembro e comeza outubro ofrece un par de actuacións.
Este sábado 30 ás 23:30 h. haberá un concerto do dúo ‘Bi-Versión‘, chegados dende terras pontevedresas, e o domingo 1 de outubro ofrecerá a súa característica sesión de música de baile a partir das 19:00 h. o DJ Rafa de Radio Monforte.
BI-VERSIÓN
Biversión é un dúo formado por Lorenzo Boo e Víctor Movilla, ambos á guitarra e voz . A súa música céntrase nos grandes éxitos do pop e rock das décadas dos 80, 90, 2000…
Na súa actuación, a interrelación co público é un dos seus piares máis atractivos, ademais do seu bo facer cos instrumentos, xa que ambos imparten clases de guitarra.
