O vindeiro 17 de outubro dará comezo a última convocatoria de formación do proxecto “O Courel destino e futuro“, iniciativa que ofreceu ao longo deste 2023 diferentes charlas e propostas formativas para a xente da Comarca de Quiroga.

A formación proposta nesta ocasión preséntase baixo o título de “Dirección empresarial para emprendedores”, consta de 165 horas de duración e farase en modalidade en liña. O curso está dirixido a emprendedores, empresarios, e autónomos dos concellos de Ribas de Sil, Folgoso do Courel e Quiroga; dispón de titorías especializadas a cargo dun titor con máis de 25 anos de experiencia profesional en dirección empresarial e remata o 30 de novembro.

A xente interesada destes tres concellos pode consultar toda a información e inscribirse na páxina web dos organizadores. Hai 15 prazas dispoñibles e asignaranse por orde de inscrición.

Tamén se pode contactar enviando un correo electrónico a gestion@ocoureldestinoyfuturo.es.