A asociación sinala as seguintes actuacións, relacionadas con limitación de velocidade e bandas redutoras:  

Na estrada provincial 4102 Escairón-Currelos piden limitación da velocidade a 50Km/h no paso polo Gorgozo e por Xuvencos. Dado o exceso de velocidade co que circulan moitos vehículos ao paso por estes dous lugares, suxiren ou sinais luminosos de limitación, ou bandas redutoras da velocidade nas entradas á poboación, ou emáforos que se poñan en vermello ao superar a velocidade.

Na estrada 4102 Escairón-Ferreira de Pantón reclaman a colocación de bandas reductoras da velocidade na estrada Xan de Forcados de Escairón, á altura do parque infantil, que obriguen a aminorar a velocidade.

Na estrada 5806 Montecelo-Fodo de Vila demandan a colocación de sinais limitadores da velocidade a 30 Km/h no lugar de Galegos dada a estreiteza da calzada ao paso pola poboación.

Na estrada 5804 Escairón-Rebordondiego piden limitación da circulación a un só sentido no centro de Escairón, desde o cruce ata a praza de España, no tramo que inclúe a praza Bernardino Ribadavia e a praza Maior, para evitar o colapso circulatorio que se observa a diario nesta zona.

Agarda a asociación que se exerza a necesaria coordinación entre as administracións para solventar os problemas da veciñanza.