A concelleira de Cultura e Ensinanza, Cristina Juíz, visitou o CEIP Rosalía de Castro de Bóveda para achegarlle aos nenos e nenas a campaña de sensibilización contra a violencia de xénero ‘Sementando igualdade’. A concelleira entregou á directora do centro, Ana de la Fuente, a árbore da igualdade. O alumnado tamén recibiu unha pegatina con este emblema e exemplares do libro ‘En Bóveda somos iguais’.

Esta acción forma parte da campaña ‘Sementando igualdade’ coa que o Goberno local pretende seguir afondando na importancia de conseguir unha igualdade real entre homes e mulleres. De aí a creación da árbore da igualdade, que pretende converterse nun símbolo con presenza en todo o Concello, a través da súa colocación nos distintos espazos públicos municipais.

Bóveda 25N Sementa igualdade 2023 / Concello de Bóveda