O bo tempo acompañou na celebración deste mercadillo solidatios e vendéronse 737 entradas, sen contar aos menores de 16 anos que entraban gratis. Dos máis pequenos, medio cento asistiron á visita de Papá Noel pola mañá e 35 ó contacontos de pola tarde.

A organización móstrase moi satisfeita co resultado desta primeira edición, tanto polo número de asistentes como polos cartos recadados, máis de 2700€ a repartir entre as asociacións beneficiarias.

O Bingo solidario recadou 1033€ que van directos á asociación española Harit Gambia. Concretamente ó seu proxecto New Life Family House, un centro de acollida e escolarización para máis de 30 menores sen recursos familiares en Lamin, Gambia. 

Da venda de entradas, as cotas dos postos e a comida e bebida, e xa descontados os gastos, recadáronse 1750€, que se repartirán entre as asociacións monfortinas beneficiarias: Afamon, Auxilia, Cáritas, Cruz Vermella e Ruliños.

Mercadillo exterior Club Fluvial / Colectivo Vermut

No momento de abonar as entradas e as cotas dos postos, visitantes e expositores podían elixir a que asociación destinaban a súa doazón, elixindo unha das cinco ou a opción de “a repartir entre todas”. Feito o reconto sacouse a porcentaxe de todos os cartos recadados que irá destinada a cada asociación:

• 18%, 314€, para Afamon, asociación de familiares de persoas con alzheimer.
• 13,5, 236€, para Auxilia, asociación que traballa pola integración social e cultural de persoas con discapacidade física e enfermos de longa curación.
• 12,5%, 219€, para Cáritas, entidad de acción caritativa e social da Igrexa Católica traballando polas persoas excluidas, maiores, sen fogar e a infancia.
• 21,5%, 374€, para Cruz Vermella, organización humanitaria que da respostas integrais ás persoas vulnerables.
• 34,5%, 607€, para Ruliños, asociación de asesoramento e apoio a familias con nenos e adolescentes con necesidades especiais.

Desde a organización aseguran que o mercadillo foi posible grazas á colaboración de moitas empresas e profesionais da comarca e do Club Fluvial de Monforte, coa axuda de 20 persoas voluntarias, a participación de máis de 30 expositores e a solidaridade dos asistentes.

Bingo Club Fluvial / Colectivo Vermut