Homesociedade'SonChistorias': o novo espectáculo de Xan Veiga que chega a Monforte

‘SonChistorias’: o novo espectáculo de Xan Veiga que chega a Monforte

Unha posta en escena que terá lugar o vindeixo xoves 4 de xaneiro ás 20:00 h. na Casa da Cultura Lois Pereiro de Monforte. Xan Veiga é un coñecido humorista e contador de historias de Arzúa que leva 30 anos enriba dos escenarios.

Publicado o

POR
Redacción
- Advertisement -

Chega a Monforte o novo espectáculo de Xan Veiga, un show que leva por título ‘SonChistorias’ e que foi estreado en setembro de 2023 no FIOT de Carballo.

Neste show, que produce e representa Hermanager Producións, estará de xira durante o 2024, o humorista de Arzúa fai unha ‘autohomenaxe’ a 30 anos de traxectoria enriba dos escenarios contando chistes e historias con humor inxenuo e moita retranca.

‘SONCHISTORIAS’

Con humor “do noso” e unha perspectiva única, Xan mergúllase nun mar de situacións incribles, dende desventuras absurdas ata malentendidos hilarantes ou encontros inesperados.

Historias milenarias esfiañadas que son retecidas coas agullas do humor e que se mesturan con chistes contados a modo de historias, levando á audiencia de paseo por unha corredoira chea de xiros e reviravoltas divertidas onde o real e o imaxinario únense de tal xeito que son difíciles de diferenciar.

Cartel do espectáculo. Autor: Borja Doel.

XAN VEIGA

Xan Veiga é humorista, monologuista, conta chistes, conta contos, ventrílocuo, actor, presentador… e non necesariamente nesa orde.

Participou en concursos de televisión tanto a nivel nacional (“No te rías que es peor” en TVE) como a nivel autonómico (“Supermartes” na TVG) e deuse a coñecer pola súa faceta de conta chistes no programa en directo máis antigo da televisión española (“Luar” – TVG). Neste último foi colaborador durante sete anos.

Fixo de co-presentador no programa “Contando Estrelas” (TVG), foi un dos escollidos para a elaboración da cabeceira do programa “Buscando Estrelas” (TVG), oficia vodas de xeito informal e humorístico e exerce como presentador sempre que lle reclaman os seus servizos. Na súa Arzúa natal presenta dende hai uns anos o coñecido Concurso de Disfraces que se fai en datas previas ao entroido.

Como contador de historias e de chistes leva 30 anos enriba dos escenarios percorrendo a xeografía galega.

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

O Ministerio de Transportes responde a Por un Interior Galego Vivo

O Ministerio responde sinalando os plans previstos en determinados puntos das estradas. Están en...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...