Este xoves, 12 de novembro, a alfabetización mediática do Colexio Profesional de Xornalistas de Galicia chegaba a Sarria, e este sábado 14 de novembro, un novo obradoiro vai ter lugar en Chantada, na Aula CeMIT (Rúa da Ribeira Sacra, 12), a partir das 12:00 do mediodía.

Elena Martín Lores vai ser a encargada deste taller que tamén está dirixido a fornecer de estratexias para distinguir a verdadeira información e converterse nun actor máis da loita contra as noticias falsas e o dano que producen na nosa sociedade. Realizadora audiovisual, xornalista e tradutora, Martín Lores forma parte da cooperativa de comunicación social Xarda e colabora en varios medios de comunicación como O Salto Galiza, GCiencia, Traveler ou Pikara Magazine.  

Todos os formadores recibiron formación específica en alfabetización mediática para poder trasladar á poboación dunha maneira máis eficiente as mellores estratexias para recoñecer e combater a desinformación. A actividade está aberta ás persoas interesadas sen necesidade de inscrición previa.