O GDR Ribeira Sacra Courel co gallo de contribuír a difusión dos recursos do territorio e fomento do emprendemento, así como na laboura de coordinación dos actores no eido turístico de cada unha destas zonas, pon en marcha una proxecto para a creación de experiencias turísticas en tres zonas claramente diferenciadas dende o punto de vista da planificación estratéxica turística: a Ribeira Sacra, o Xeoparque Mundial da UNESCO Montañas do Courel e o recén creado Destino Courel.

O obxetivo deste programa é contribuír a deseñar e crear experiencias turísticas e a súa posterior integración para unha promoción conxunta destas experiencias turísticas únicas diferenciadas, e que permitan conectar ao turista co territorio.

No caso da Ribeira Sacra céntrarase na creación de experiencias vencelladas a itinerarios naúticos-terrestres nos ríos Sil e Miño. No Xeoparque Montañas do Courel porase o foco nas experiencias coa xeodiversidade e biodiversidade que atesoura o territorio. Por último, no Destino Courel estarán orientadas á gastronomía e arte urbana.

Este programa está dirixido a tódalas empresas do territorio do GDR Ribeira Sacra-Courel pertencentes á cadea de valor do sector turístico. Entre outras tipoloxías de empresa poderán inscribirse no programa operadores de transporte turístico de viaxeiros polo rio Sil e Miño, aloxamentos rurais, hoteis, restaurantes, operadoras de turismo, guías turísticos, viñedos e adegas, queixarías, gandarías, apicultores, artesáns e a todo aquel interesado na xeración de valor a través do turismo. O programa desenvolverase no mes de febreiro-marzo de 2024.