Acompañados pola actuación musical de Eva, Nuria e Julia, alumnas de 2º de Bacharelato, despois das intervencións de representantes das 4 familias profesionais do centro (Administración, Imaxe Persoal, Téxtil e Informática), os alumnos dos ciclos medios de Xestión Administrativa, Sistemas Microinformáticos e Redes, Confección e Moda, Calzado e
Complementos de Moda, Peiteado e Cosmética Capilar e Estética e Beleza; os de FP Básica de Servizos Administrativos; e os dos ciclos superiores de Desenvolvemento de Aplicacións Web, Asistencia á Dirección, Administración e Finanzas e Estilismo e Dirección de Peiteado, recibiron as súas bandas, orlas e uns recordos gráficos e materiais do seu paso polo IES A Pinguela.

O director do centro e a profesora de FOL, Pilar González Vázquez, interviron para desexarlle sorte e recordarlle que este centro seguirá sendo a súa casa á que poderán recorrer cando o consideren necesario. Finalizaron o acto, como é habitual, cunha cea nun restaurante local.