A Asociación Veciñal do Saviñao dirixiuse á Alcaldía do Saviñao coa finalidade de trasmitir a necesidade dun maior número de prazas de taxi no municipio, “O noso territorio municipal é extenso e moi diseminado e a poboación está moi envellecida. Si a esto se engade que os medios de trasporte no rural sufriron nos últimos anos un importante recorte nas frecuencias deste servizo, temos un serio problema de mobilidade percibido polos nosos veciños”, aseguran desde a asociación.

Con todo, a asociación solicita do Concello un aumento de prazas de taxi e a posta en convocatoria aberta para a concesión de prazas de taxi suprimidas polo cese de actividade ou xubilación dos titulares das mesmas, “para dar rápida solución a esta carencia que está a limitar a mobilidade da nosa poboación afondando nas dificultades para consolidar a habitabilidade no noso territorio”.