Este domingo, ademais de seguir probando os novos viños, entregábanse obsequios ás adegas participantes e celebrábase unha xornada máis institucional. Estiveron, entre outras autoridades, a portavoz nacional del BNG, Ana Pontón; o Vicepresidente da Deputación de Lugo, Efrén Castro; o deputado Provincial de Participación Cidadá, Iván Castro; e co conselleiro de Medio Rural, José González.
No marco desta feira, José González puxo en valor as diferentes liñas de axudas destinadas polo seu departamento á ordenación, fomento e promoción dos viños galegos; como as achegas para a reestruturación e reconversión de viñedo que teñen de prazo ata o 26 de abril para solicitala. Estas axudas teñen como finalidade incrementar a competitividade das explotacións vitícolas, adaptar o cultivo do viñedo ao cambio climático e avanzar na súa sustentabilidade.
Por outra banda, sinalou que esta liña complementa outras enfocadas a este sector, como as que financian accións de promoción en terceiros países e as destinadas a apoiar a elaboración e comercialización de produtos vitivinícolas.
Feira do Viño de Quiroga 2024 / Consellería do Medio Rural
O conselleiro especificou tamén que, dentro da aposta pola calidade diferenciada das producións primarias, veñen de convocarse dúas partidas específicas dotadas con 600.000 euros para apoiar o labor de control da calidade desenvolvido polos consellos reguladores e para fomentar que os produtores se integren en réximes de calidade.
O titular do Medio Rural en funcións puxo tamén de relevo a calidade dos viños galegos, concretamente os da Denominación de Orixe Ribeira Sacra, protagonistas desta feira. Salientou a súa situación “nun enclave excepcional”, caracterizada por un microclima moi particular que os define “dentro e fóra das nosas fronteiras”.
Durante este domingo, o deputado de Participación Cidadá, Iván Castro, salientou a calidade e a riqueza vitivinícola da comarca e o compromiso da institución provincial co evento, ao que destina preto de 35.000€ a través do Plan Deputación de Cooperación cos Concellos 2024.
Feira do Viño de Quiroga 2024 / Vicepresidencia Deputación
