O IES A Pinguela de Monforte de Lemos recibe a alumnado de 3º ESO dos IES La Marina de Santa Cruz de Bezana (Cantabria), IES Las Salinas de Arrecife (Lanzarote) e IES Valle del Segura de Blanca (Murcia). A actividade enmárcase no cuarto e último encontro da Agrupación de Centros Educativos que traballan sobre “Diversidade medioambiental e uso sostible da auga nas nosas comunidades”, cun programa do Ministerio de Educación para desenvolver durante os cursos 2022/23 e 2023/24.
Esta iniciativa do Grupo de Centros Educativos ten como obxectivo concienciar e formar sobre o ODS 6 “Garantir a dispoñibilidade de auga e a súa xestión e saneamento sostible para todos” ademais de convivir e establecer vínculos entre o alumnado e o profesorado dos diferentes centros participantes.
Con este encontro en Galicia, o alumnado coñecerá a Ribeira Sacra, o embalse de Belesar, Santiago de Compostela, a capital lucense, Ourense, Pontevedra e viaxarán en barco pola rúa de Arousa desde o Grove.
