O alcalde de Bóveda, José Manuel Arias, participou recentemente en Madrid na reunión da FEMP que deu luz verde á creación da Comisión de Políticas de Auga, Medio Ambiente e Economía Circular.

O obxectivo desta comisión é o de elaborar propostas relacionadas coa auga, cos problemas da posta en marcha da Lei 7/2022, con todo o relacionado coa economía circular e co medio ambiente, políticas transversais que afectan ao día a día dos cidadáns.